|
回............憶
'回憶'這兩個字很有詩意
就好像要回到從前憶起某些事的意思
就在昨天放榜後,我決定要寫1篇 記錄 於我的日記裡
雖說現已不能稱得上什麼'日記',事記好了
但還是讓我記錄下來,就讓我好好的打1遍
現時是上午7時51分,天沒多光,家很靜,真的很適合我寫作
突然明白空間和環境寧靜的重要,至少我現在很有心情
一年前
放了個很不滿意的成績
asso,hd也趕不上
那pre-asso吧,我又不想..此總自覺沒有出過力
就這樣1生我不甘心
那麼,沒理什麼結果如何,我選擇了重讀,重考alevel
想入返福建讀,好可惜我1個C都無,校長當然reject我了
更說, '也許你另覓出路更好,俾你多1次,你想你有信心入到大學嗎?'
沒錯,我根本1點信心也沒有,但,我想試,後來後來
當然福建是沒有收我為重讀生喇,我只有自修,自己讀
中間有太多感受,我真係好難講,只係知道個段時間好辛苦
屋企人無錯係支持你重讀,但佢地都會擔心冇老師keep住你d進度
你又點會知道其他人level去到邊...之類.......好多好多問題
我亦沒有多回應,因為回應幾多都冇用
因為令佢地失望過1年,可以話,我憑咩去證明我係1個有用既人呢?
所以就只有用時間去證明這1切吧,只可以簡略下當時..
3日返工,4日溫書,但返完工又勁累,之後個日多數又休息左
d讀書進度好奇怪,d時間覺得好長,完全唔識自己俾野自己做,
然後星期5放工好倦的情況下仲要去watchman到補英文,回想起都覺得好倦
但係又係自己攞黎,無得怨人,就係咁重重覆覆..我慢慢渡過我既自修生活
期間小見左好多朋友,有時只有見1見面,但好開心當我好驚我地關係會變
佢地不停不停的鼓勵支持和不斷的關心和愛,就算佢地asso有幾忙都會搵下我,
冇覺得我仍停留係低1個層面而離開我,我真的很感動同覺得呢d真係好好朋友..
又好多謝在福建自修的'你'幫我咁多,唔係我中史1定又U過.......仲有心理治療...
呢1切都好難忘,當然仲有福建d老師真係幫我好多,就算我無留係福建repeat
都成日問我d進度,想幫我,又成日叫我返學校.......真係好感恩在我身邊有你們每1位
repeat,呢part暫且講完,我想講下屋企同愛情...
係屋企,我從來是被過分愛鍚的那1個,很難說太多現實的事去proof這個論點
只有說我真的可以很'大小姐',爸爸媽媽對我來說影響反而不多
相反哥哥和姐姐(他女朋友)對我影響好深,至少我既諗法佢地會明,我地溝通到
係我form1個年我哥哥就入左BU,之後3年他又住哂hall加走左去荷蘭1年,
我可以話對哥哥感覺好陌生,關係遠左,根本就各有各生活緊,
講心既時間係0,相比近呢2年我地2個關係真係變好左好多好多
佢雖然仲讀緊書,但因為佢住返屋企,終於可以做返對真'兄妹',講心多左,講將來多左
某程度我想叻想入大學係因為想好似哥哥咁叻,唔想佢有個唔叻既妹妹呱
我會唔想成為佢第日既負累...已經要照顧我爸爸媽媽了,仲要理埋我?真係多時間咩...
所以我在心根本是決意努力讀書,但無奈我真心懶,結果搞成咁..
好記得佢同姐姐上年陪我回校攞成績單時睇見我成績個時既無奈同強顏歡笑個樣
總之,知道我哥哥唔滿意我,我會好care......我好需要佢肯定我..
而姐姐,我真係好愛呢個人,由中4認識她至今,可以話佢係睇住我成長同改變
佢陪我過了人生3次重要的公開考試,又在我中5時陪我周圍搵學校,
她是我家的1份子,所有節日也有她.每星期有幾日她又上來食飯,
我地會1齊出街唱k睇戲傾心事講人生道理理想,1齊去旅行,仲之咩都1齊
5年,真係好似我有份同佢拍拖咁,最近發生左d野,我同佢既關係好似要
換個模式,要換個方式再愛姐姐落去,除左喊同不捨,我真係0有野可以做
到我咁大個,真心明白感情事是不可勉強..但你想我點呢....
就好似冇左個親人咁,我好難扮開心,我覺得我身邊小左樣野......
關係幾好都好,我都好似唔知用咩身份去維繫,同埋我地其實又點keep到永遠?
心情真係好差同好低落,我真係點都未ready好,
我真係好唔捨得你.......但..點都好,你要幸福啊......黃嘉汶!
而愛情,真係講黎講去都係咁,毫無新意,要知的又知,
不知的就繼續唔洗知,咁我打黎為咩? 其實.唔係
我真心想記錄埋係到,喜歡他就快3年,呢3年真係來來回回,反反復復
好麻煩地又好有緣,好奇怪地又覺得好好笑........哈哈突然用左d好古怪既比喻tim
但對住佢就係咁既感覺,我覺得好開心囉其實...... 唔
為了他,我勁積極減肥,在這1年除retake之外就係減肥
減減減減,完全冇停止,完全din左..........做運動,節食,麻醉自己什麼都值得!
雖然同最初目的的'點',跟現在的'點'的確不同很多,
但這1年減肥好有意義,好似有重生感覺,而家,減肥完全因為自己喇
靚d,健康d,信心又大左,真係何樂而不為呢?真心想keep fit,希望我唔好放棄!
1年後
我做了大學生
讀到最想讀的幼兒教育
可以住到想住好耐既hall
1年後
我做了叻返小小的妹妹
我做了不太需要爸爸媽媽擔心的女兒
1年後
我成功減肥
20歲前
我曾經咁成功地為了自己的目標努力奮鬥過
我覺得好自豪
好多謝路過的你睇哂我篇entry
打完之後我好舒服
因為我真心抒情了
08:41
完
P.S
我曾經好怕將自己感受毫無保留地講出黎
因為我好介意人地點諗,有時我唔想表露原來的自己太多
我怕對方覺得真正的我有所不同,與他們思想有別
我好介意人地點睇我
但到了這個年紀,其實我對身邊所有我錫的人都是根本的我啊!
也沒什麼好掩飾,大不了你唔同我fd姐,其實都冇咩野
錫我愛我明白我既就真心明白我,真係諗太多好煩
當然基本交友的愛和尊重等等技巧仍需要喇
只是說我不嬲是感性行頭理性放勁後的人,打下自己感受都好正常
所以好開心自己有勇氣打哂出黎,好耐冇試過咁開心講下自己 =) 真好!
*
離開,是為了回來 =)
走了的,我會把走了的放在心
現有的,我會繼續好好的現有
未來的,就留待未知的未來吧!
.
.
.
仍可以活在當下
仍可以書寫
很滿足
今天心靈特別得到慰藉呢
天氣真好
活著多好!
|
好白痴
